قصيدة الشاعر سايد مخايل في حفل توقيع ثلاثة كتب للأب يوسف جزراوي

ـ1ـ

يا مار زيا بارك الليله الحضور
وعلّق ما بين الناس المحبه جسور
الليله "الأبونا"  حَبْ يجمعنا سوا
رشة حبق بين القوافي والسطور
"بكلكامش" ومضمونها قلبي ارتوى
والشعر ما بيطلع اذا غاب الشعور
لكن انت  ب كتبك   وبالمحتوى
رشيت عا عتم الجهل ومضات نور
 من هيك جينا نقدرك عالمستوى
وعا  نخبة اللي تجمعو تا يكرموك
وعالجاليه اللي ممثلي بأحلا حضور
ـ2ـ
يا ابونا ل قلمك  وقلبك  طري 
الليله الأدب عا بيدرك مدري دري
عا مدبح الإلهام ضوّيت  الشموع
 واليوم عن نسمع كلام  الجوهري
وانت الأديب العاشق  لربو الركوع
لا بتدعي ولا بتشمخ ولا بتفتري
ودرب الأدب عا طول صعبه وبالطلوع
ل منو اصيل بيوقع بنص الطريق
ولفوق ما بيوصال غير العبقري...
ـ3ـ

وعن شربل بعيني كتبت تاني كتاب
شربل وهج ، بالجالية وشيخ الشباب
شربل بيكمش حرف بيصفي دهب
شربل بيلبس كلمتو اغلا  التياب
ومش كل واحد كل ما كلمه كتب
صفى كبير ، وصار نعملو حساب
ومش كل شاعر شعر من غيرو نهب
صفّى لدنيا الشعر عندو انتساب ...
الشعر غير من الجرح ما بينسكب
الشعر دفقة نور عا شمس الغياب
الشعر الحلو بحبر العيون بينكتب
وكبّي  حبر يا عيون تا  تعبّي  كتاب
والشاعر ن ما كان عالي  بالأدب
ما بيقدر بيكتب قصيده عاليه
ومكشوف لولا دق راسو بالسحاب...
ـ4ـ
يا ابونا الناس صارو بيعرفوك
بيقرو الصلا عا وجك ونفحة الم
بتكتب عن معاني كبار بيشبهوك
وإلا لفعل الخير ما بترفع علم
يمكن الليله بالغرور بينعتوك
كيف جمعت بليلتك كل القمم
بهالجاليه لْ تلتينها  صارو ديوك
وكل واحد الامجاد عا  قياسو حسم
يا فكر  حقن  يجلدوك  ويصلبوك
ما زال فعل الخير عالأرض  انعدم
وما زال عا "تويتر" وخيو  "الفايس بوك "
كل البشر كتّاب  صارو بهالدني
وضربو الكتاب ... وشوهو  دور القلم...