إلى روح الشهيدة شيرين ابو عاقله/ شربل بعيني

بأيّا وقاحه وغدر قتلوكي   

يا نجمة القدس.. وما عرفوكي

إنّك شيرين الحامله فلسطين   

بقلبك.. بـ صوت مدوزن ملوكي

افتكروا إذا بتموت الحساسين   

بيقضوا ع أشرف ناس سمعوكي

ولمّن عليكي قوّصوا مجانين    

برصاص جوّا الرأس صابوكي

ركعتي تبوسي تراب بـ جنّين   

غفيتي تحت شجره وما وعّوكي

جن الشعب.. وتجمهروا ملايين  

متل العروس بحب رفعوكي

برموا المخيّم.. سكّروا دكاكين   

وبالعطر.. بالأزهار رشّوكي

ركعوا وصلّوا ورددوا الآمين  

ومتل الوشم ع الصدر طبعوكي

صرتي شهيده بين قديسين   

ونار الجحيم لناس ظلموكي

بأسف على عربان ملهيين   

خوّان.. كيف بدّن ينصروكي؟

باعوا القدس مع شعبها من سنين   

وبتلاتعش أيار باعوكي

ووقت الجنازه تجمّعوا شياطين   

منعوا العلم.. ضربوا اللي حملوكي

معقول حرمه تخوّف ملاعين   

وإنتي بقلب تابوت خافوكي

لا تزعلي.. ما بيعرفوا مساكين  

بدل العلم بالدمع لفّوكي

المتلك صعب تا يموت يا شيرين 

والقدس أمك.. والشعب بوكي

شربل بعيني

شربل بعيني يرثي الشهيدة شيرين ابو عاقلة

ـ1ـ

آه يا شيرين ابو عاقلة

لو تعلمين ما فعلت بنا..

لقد متنا بموتك..

فرصاصة الغدر التي أصابت راسك

أصابت قلوبنا جميعاً.

فلقد كنت صوتنا..

وقد خنقوا هذا الصوت..

وكنت الأمل..

وقد اغتالوا أملنا..

ـ2ـ

لن نبكي عليك

بل سنردد اسمك ما حيينا..

لا بل سننحني أمام عظمتك

وتضحيتك من أجل القيام بعملك.

ـ3ـ

أنت خالدة يا شيرين

وهم الى مزبلة التاريخ..

انت العظيمة يا شيرين

وهم الأوغاد السفلة..

ـ4ـ

يا نجمة القدس..

يا وجه فلسطين الأجمل

يا صوتها النسائي الأنقى

أيتها المهاجرة مثلنا..

أنت ابنتنا وحبيبتنا

وهم أعداؤنا الى أبد الدهر..

ـ5ـ

لو علموا كم تحبك الملايين

لما تجاسروا على اغتيالك..

لقد زلزلت الأرض من تحتهم..

أجل.. لقد أرعبهم موتك..

أكثر مما كانت ترعبهم طلتك الاعلامية المضيئة..

ـ6ـ

ما أجملك..

ما أروعك..

ما أعظمك..

لك الخلود.. ولهم اللعنة.

شربل بعيني