الى شربل بعيني/ طوني حنا النسر

الدنيا بالطول وبالعرض

شربل عاطيها بدايه

ما كانت وقفت عالارض

لو ما بايدو مهدّايه

شربل عا دمي بيمون

بعيني هوي وكلو عيون

ببال الدنيا لوما يكون

منها ما شفت كفايه

بسدني قيمه للشعار

عامل هوي ليل نهار

بالغربه متلو ما صار

بيخدم عا الرايح جايي

بخدمة شربل شدوا الحيل

يمكن هوي نجم سهيل

ما بيفزع يمشي بالليل

عندو خلقه مضوّايي

لا تغلطوا مع شربل بعيني/ طوني حنا النسر

وصلتني هذه الأبيات الجميلة من الشاعر الصديق طوني حنا الذي غمرني بلطفه وكرمه الشعري عدة مرات، وإليكم ما كتب: 

مجلة الغربه بتشمط الدّينه
للي بيحركش بينها وبيني
بتشن عا اللي بيدّعي غارات
كلي لها انما كان تلتيني
رفيقه إلي بتضل بالسهرات
وشربل.. دِني عم اقشعو بعيني
كلام اللي عنّو قايلو مرّات
بعيدو تا حتى ينوفى ديني
الغلطة مع "بعيني" خمس غلطات
لا تغلطو مع شربل بعيني

**

وقال في رباعية أرسلها عبر الفايس بوك:

يا شربلنا البعيني

المنبر كلماتك حَلّو

حفرتك بـ ببّو عيني

للمتلك قلبي بْشِلّو

**

سلامة قلبك يا عزيزي طوني