شربل بعيني يبكي وديع الصافي



ـ1ـ
مات الوديع انتكست الأعلام
وشهقت الأقلام
وصار البكي أفلام
جنّت دني.. وتيتّمت أنغام
ـ2ـ
غنّى الأرز.. كان الأرز منضام
ناجى الإله.. تكسّرت أصنام
نادى المُهاجر.. ضحكت الايام
دوزن هرم.. صار الهرم أهرام
وعّ شفاف ناسيها ابتسام 
فتّح زهور الغرام
وللكون صار يوزّع الأحلام
وخلّى الأنام
كل الأنام
يكرّموه باحترام
ـ3ـ
ولمن بنومو طوّل وما قام
انهزّ الوطن.. وتفرفطوا الحكّام
ريّس محي وجّو الظلام
وريّس شكي من الانقسام
وريّس قرف منّو المقام
وريّس غبي.. قولوا: حرام
يعني.. تا ما يطول الكلام
حكّام مش حكّام
أقزام.. 
مين بيحترم أقزام
يا إبن نيحا بقول.. ما بنلام
يا ريت رجّعت الوسام
ـ4ـ
الحق ع الشعب الغبي
المهما كبر.. بعدو صبي
شيلُن من شلوشن قوامْ
طهّر وطن من طلّتًنْ
من ملّتُنْ
من ريحة الأزلام
"لبنان يا قطعة السما"
ع طول هيك بينسمى
مش مزرعة أصنام
قلّن يا "صافي" كْمان:
لبنان شو لبنان
"جنّات ع مدّ النظر
ما بينشبع منها نظر"
ما بيحكما خصيان
ـ5ـ
رغم الحزن.. فرحانْ
إنّي بست إيدك
إنّي حضرت عيدك
يا بلبل الوديان
يا زارع الأوطان
ع شفاف كل إنسان
تا غارت البلدان
مش بسّ "صافي" بس
إنت الصفاوه كلّها
زوّغت عين الشمس
يا نغمة اللي بجلّها
ما بينذكر لبنان
من دون اسمك يا وديع
ما بيفرح الديّان
إلا بأوفَك يا وديع
ما مت.. بعدك هون
ما غبت مهما كان
باقي ع صدر الكون
نيشان شو نيشان
صوت.. ولحن فنّان

هناك 11 تعليقًا:

  1. شوقي مسلماني ـ سيدني7:56 ص

    لقد أنصفت الراحل الكبير وديع الصافي صديقي الشاعر شربل.

    ردحذف
  2. Therese Khalil Gibran3:13 م

    Thank you for posting this amazing video the words are so inspirational and it touched me deeply because to be hones i felt that Mr Charbel was saying these words instead of me and i am sure instead of millions out there who loved the immortal Wadee3 E-ssafi ,i just have to say i hope those tears will be replaced by the tears of happiness no more sad tears and may he rest in peace ....have a nice day.

    ردحذف
  3. Aly Hafez3:21 م


    رحمه الله .. وديع الصافى فنان عربى يندر أن يجود الزمان بمثله .. فى أدائه وعذوبة صوته ومحبته لعروبته .. وديع الصافى هذا الفنان الملهم كان يعبر عن ذاكرة وأحلام وطموحات شعبنا العربى وكأنه كان جامعة للشعوب العربية .. لقد افتقدناه فى مصر كثيرا وأصابنا حزن شديد لفراقه .. عزاؤنا أن أغاانيه مازالت تتردد فى كل مكان وأن صوته سيظل يطربنا فى كل زمان

    ردحذف
  4. Sarkis Karam3:22 م

    يسلم تمك وقلمك وفكرك يا استاذ شربل...

    ردحذف
  5. جوزيف زخور ـ كندا3:24 م

    dسلم تمك قبل قلمك يا شاعر من لبنان. رثاءك ومحبتك لوديع اكبر من اي نيشان.
    لا تزعل يا شربل، نيحا ومجدليا وبعبدا كمان؛ من شعرك وصوت وديع عبقت بالشعر والعنفوان. لا تزعل يا شربل؛ بفضل هيك خصيان استراليا وكندا ربحت العقول النضيفة اللي صدرها لبنان.

    ردحذف
  6. رالدا نونه ـ كندا3:26 م

    يسلم تمك يااحلى شربل
    انا وجوزيف اشتقنالك كتير

    ردحذف
  7. Claude Nassif Harb3:28 م

    روعة +++

    ردحذف
  8. عصام ملكي ـ سيدني4:07 م

    شربل حكي وكان الحرف نعسان
    فتّح عيونو وشرّف الانسان
    ولمّا لقى إنو الشرح كافي
    قال المطالع مش رح نكافي
    شربل بعيني.. بيعرفو لبنان

    ردحذف
  9. May Assaad8:24 م

    حلوة كتير، تسلم وألف شكر

    ردحذف
  10. Elie Akouri8:57 م


    عزيزي شربل أحسنت ما قلت, ألوديع يبقى الوديع, والصافي يبقى صافي, والوطن يبقى الوطن, والدولة تبقى كما هي منذ ألاستقلال, عشائر, عائلات, ومزارع بلا قرار, لذلك لا عتب سوى على الايام وعلى القدر الذي اوصل الوطن الى هكذا حال, الله يرحمك يا كبير من وطني, يا كبير بوطن صغير, يا وديع القلب وصافي الضمير, والله يساعد الوطن من حكامه ومن ابنائه المتصارعين على الجبنة الغير موجودة

    ردحذف
  11. Khalil Tartak8:59 م

    Ya Habibi Ya Charbel,
    That is realy a very good poem.Wadih El Safi & Assaad Sebaali deserve nothing but the best.May God rest their souls.
    I know both men very well.

    ردحذف