بعيني.. بخبيك بعيني/ الياس قدّور

الياس قدّور
شاعر سوري مهجري


بعيني
بعيني.. بخبّيك بعيني
وكل الشعّار بعينِه
ولو حبّيت لقلبي تفوت
بتلاقي أحلى جنينه
لا تسأل: من وين القوت
وأيّا زهره بتعطيني
كبدي زيّنتو بياقوت
عرضتو ع صحن صيني
ودمّي من شَراب التوت
مزمز فيني.. ع الهينِه
شعرك بِـ قلبي منحوت
صدر وعجز بيكفيني
بيغذّيني.. حتّى مُوت
وسنين الشعر سنيني
ولو قريوا شي خمس بيوت
ع قبري الـ فيه التابوت
وكنت "القاري" بتحييني
ملبورن 1988
**
غصون الزيتون
شعرك خلاّني مفتون
يا "بعيني" وفتّحلي عيون
متلك.. لو في عنا تنيْن
بِـ سوريا أو لبنان
ودينين فتحنا وعنيْن
ما احتجنا غصون الزيتون
ولا تبخّرنا بهالبلدان
ملبورن 1988
**

ليست هناك تعليقات:

إرسال تعليق