مدينة الفيحاء/ شربل بعيني

ألقيتها بعد استلامي جائزة من رابطة الجامعيين في الشمال

لطرابلس راجع تا قول الشعر

ومحّي سنيني العشتها بالهجر

مدينة الفيحاء.. ذات الصون

بدمع العيون بصونها من الغدر

بحلف بألله كل تكّه هون

قضّيتها بتسوى سنين العمر

هون ألله.. العم يدير الكون

وهون أرزاتو اللي عاشوا دهر

إخد العَلَم من دم شعبو لون

الضحّى بشبابو تا يمحّي القهر

بنهر الكلب ركّع ألف فرعون

افتكروا وطنّا زغير طول الشبر

لشربل، يا ألله، مدّ إيد العون

تا إرجع وعيش بأرض لبنان

وعندي طلب واحد يا هالديّان

خلّص وطنّا من جحيم الفقر