إهداء رائع من الشاعر ألبير حرب

الى الصديق الصحافي الاديب والشاعر شربل بعيني

اللي بيرسم بريشة الابداع عصافير الصباح..

من هيك كلماتو ما بيوقفو..

بيضلّو راكعين عم يصلّو.

انت ومارق حدّو،

حافظ ع سكوتك وتحفّا..

يمكن صوت دعساتك يخزّق أحلامو.

إذا بينملو صبيعو..

بيجمد الدم بحروف الكلمه

وبتصير تمثال.

وحدو براس القلم بينكوز بالتراب..

تَ يوعّي اخوتنا لبعدُن نايمين.

بيعمّر بحروفو كنايس للصلا..

فيهن كل كلمه جرن معموديه.

استاذ شربل..

عَ آخر سطر من عطائك الفكري..

لا تحط نقطة النهاية

حطّ فاصله وبس..

تَ نضلّ ناطرين الدهشه لبعد ما كتبتا..

مع شكري ومحبتي.

ألبير حرب ـ لبنان