يا شربل بعيني أسامينا
انكتبت تا تاني يوم يمحينا
الضحكه ما هيي.. العيد منّو عيد
وبالشعر ما بتظبط قوافينا
مهما أخدنا من الدني زواويد
بيضل جوع العين عامينا
يوم الفرح معلوم عنّا بعيد
وتا نعيش متل الخلق ما فينا
صار العتيق كتير عنا جديد
ومكبله صارت أيادينا
لا انت بتريد وأنا ما بريد
ياخد معو النسيان ماضينا
صارت الضحكه عندنا تنهيد
وبالمأتم نوزّع تهانينا
اسمحلي تا قلّك والكلام بعيد
جينا بلا طعمه عا الدني من زمان
ومنروح منها متل جينا
**
الرجاء قراءة التعليقات
**
الرجاء قراءة التعليقات
_of_cbkar5.jpg)
صدقت شاعرنا : " منروح منها متل ما جينا" .
ردحذفتحية لكما صديقاي الشاعر شربل بعيني والشاعر عصام ملكي .
قصيدة ملآنة بالحكم الرائعة، والملفت للنظر ان الشاعر الكبير عصام ملكي الذي استمعت اليه في مدينة جبيل الللبنانية يبدع بالحكم مثل مهما أخدنا من الدني زواويد
ردحذفبيضل جوع العين عامينا
أو هذه
يا شربل بعيني أسامينا
انكتبت تا تاني يوم يمحينا
او هذه
صارت الضحكه عندنا تنهيد
وبالمأتم نوزّع تهانينا
او نهاية القصيدة
جينا بلا طعمه عا الدني من زمان
ومنروح منها متل جينا
والملفت للنظر أكثر أن عصام يبدع أكثر عندما يناجي صديقه شربل بعيني.. وما علينا الا ان نعترف ان الطيور على أشكالها تقع
تحية للشاعرين المهجريين عصام ملكي وشربل بعيني
محمود عندي بتحسب سقراط
ردحذفوصوتي بمديحك رح يكون عياط
انت قطعت بالمعرفه أشواط
وبعدك لتوب المقدره خيّاط
واكتر من المحمود محمودك
ومنّو شباطك متل شهر شباط
شاعر أنا بعمّر مداميكي
ردحذفعا ارض كل صخورها سميكه
ويا موهبه الهام بعطيكي
وتا تعرفي انو الوحي شريكي
بالشعر رح زيّن لياليكي
ويا لوريس الكلك محبّه
منشوف نحنا حالنا فيكي