شربل بعيني.. والانفلونزا/ عصام ملكي

ـ1ـ
شربـــــــــل بعيني بَعرفو جَبلة وفا
قدَّم شو عندو للجميع وما اكتفى
إنسان مخلص ما عمل إلاَّ المليح
بالمعرفه والمقدره مشَّى الكسيح
يا مريم العدرا ويا يسوع المسيح
وَدّو لشربل من عند الله شفا.
ـ2ـ
ومجلِّة الــــغـــــــربه عظيمة شان
فيها عـــــــــا طول بينقشع لبنان
أستاذ مَنُّو فاعــــــــــــــلو مفعول
ومعلوم منّو عالمو مجهول
ومش بس إنُّو مؤمن عْلى أصول
بالفعل كفرو بينسمى إيمــــــان.
ـ3ـ
عَنُّو حبيب الكلّ بيقولو
فسحه إلو بالقلب خَلُّولو
واللي بيقصِّر لازْمو توبيخ
وبْقول كلمه حدّها من السيخ
شربل بعيني غربتو تاريخ
يا مطالعين الشعر صَلُّولو.

هناك تعليق واحد:

  1. موسى مرعي6:53 م

    عزيزي استاذ عصام ملكي...
    قرأت دعاك لشربل تشفي ...
    كلماتك آيات بالقرآن والانجيل مسجلي
    قرأتها ومن فرحتي فيكم صرت ابكي ...
    عيوني تدمع دموع بغبار الغربة مجبلي ...
    المسيح من على الصليب سمع دعاك بكي
    و قال بعد في بهالزمن صديق من اجل صديق بضحي ...
    ودعا ربه بكلمات من السماء منزلي ...
    وعاهدنا امه العدرا عمدة بعيني بقلوبنا مثبتي
    و يا شربل و الله لو كانت الانفلونزا مجسدي لقطعتها بسيف الامام علي
    موسى مرعي

    ردحذف