لعند البلا أخلاق ما بعدي
بتشرين نحنا ومتلنا ملايين
قديش بدنا بهالدني نهدّي
نحنا عن اللي صار مسؤولين
عطينا اللي ما بيستاهلو مودّه
بقلّك أنا بلسان "بشمزين"
الفيها خلقت وبمنطق الجدي
صاحب إذا بتشيل من خمسين
قللي يا "ملكي" ما حدا قدّي
الهنّي بشر عا الأرض معروفين
بفرح عند ما بشوفهم حدّي
وبالرغم إنّي ما معي عناوين
سلامات للي سافرو بودّي
شالح ورايي "تنين وتمانين"
وما عرفت عمري صار هالقدّي
عندي رفاق تقمّصو شياطين
وما بيعرفو الشدّه من المدّه
ومن حيث عندي ظروف تعبانين
بدّي اللي متلك مستقيم وبس
أصحاب كيف ما كان ما بدّي
**
قصيدة مهمة من وحي الواقع المعيوش
ردحذفلطيف مخائيل
ليش الحزن واليأس يا أستاذ عصام؟
ردحذفالدني بألف خير.
ما فينا نغير الناس .
**
دكتورة بهية ابو حمد
عرفتك يا ملكي من زمان بعيد
ردحذفوقلت لحياتي هالشهم ليكي
بقلك انا وبعيدها وبزيد
منو حدا الما بيعرفك هيكي
انطون برصونا ـ زغلول الزغرين
ما بدنا صحبة البيكون تمسح
ردحذفوهللي غدرنا وإيدنا لسّح
بيعن وجيب بحقهم بويا
انكنت بدك شي غرض تمسح
جان مفرج
يا شربل وعصام بالاجماع
ردحذفقلوب البشر قديش بدها تساع
بالرغم عني واقع بحيره
وصارت طريقي كلها تلاّع
الهم بيجي من دون تأشيره
والآخ عم يطلع طويل الباع
في ناس بيروحو بربع ليره
وفي ناس بفرنكين عم تنباع
طوني هاشم
يا عصام وشربل الحبوب
ردحذفاليوم الغلاظه عم بترخي بدار
عندك بشر ما عندهم اسلوب
شاف بزمانو كتير ها الختيار
محسن خليل
يا شربل وعصام الله يعين
ردحذففي ناس كبرو وبعدهم عجان
هللي بيرافق ناس جربانين
متل العا بيتو بيعزم الدبان
جورج خوري
بجادل انا ومواهبي بيدر
ردحذفالبيقول مني قدها مجنون
ديب اسمي وعيلتي حيدر
الصاحب ضروري متل خي يكون
ديب حيدر
اليوم القدر عم يبرم الدولاب
ردحذفبعدة قطط عم يعملو نمورا
المنهم حدا وعم يعملو ارباب
بفحص الصداقه بياخدو صفورا
انور سليمان
لازم بسيدني ينعمل اضراب
ردحذفعا شعب سوري وشعب لبناني
صارو بعض اصحابنا اغراب
الما صار صيني صار طلياني
جان نجم