قصيدة النقيب جورج ابو انطون في حفل توزيع جائزة شربل بعيني في قصر الأونيسكو ببيروت

ـ1ـ
حتى بكلمة حق يرتاح الضمير
وحتى المبادي عالحقيقة تقودنا
وتا يكتبو لـ عم يرسمو درب المصير
قدّيش بالتاريخ حجم وجودنا
عالخارطة لبنان بتشوفو زغير
لكن متى فلفشت عمر جدودنا
بتشوفنا تاريخ بالمبدا كبير
ومعهد جبيل الأبجدية عم يقول
آخر حدود الأبجدية حدودنا
ـ2ـ
يا شعر يا عايش بـ إلهامي
ومن كلمتك حققت أحلامي
الحداد عيله في لها تقدير
وتقديرها من الناس إلزامي
جايي تا قول بأصدق التعبير
يرحم عصام لـ كان عصامي
والله يخلي مراية التفكير
سامي اللي عم يحمل قَدْر سامي
ـ3ـ
صرلي سبع تيّام بتهيّا
تا قول كلمه إمها وبيّا
نزلو سوا من قبّة المريخ
وقالو بهيّة ما انوجد زيّا
بهية ارزة مجد ما بتشيخ
خلقت تريّا وبعدها تريّا
وحتى زجلنا يدخل التاريخ
بكل دولة من دول هالكون
بدّو سفيرة متل بهيّة
ـ4ـ
وحياة يللي قَـلّها كوني
وكانت وصارت أرض مسكوني
شربل بعيني للفكر ميزان
مِنّو الصحافة تشبّعت موني
شربل بعيني للوفا عنوان
عيونو عا درب النور دلّوني
شربل بعيني قيمة من لبنان
درعو وتكريمو وتقديرو
عزّ وكرامه ومجد عطيوني
**

ليست هناك تعليقات:

إرسال تعليق