أسلوب: آخر قصائد عصام ملكي المهداة لشربل بعيني

كنت أراجع ما كتيه عني الشاعر الكبير عصام ملكي من قصائد خلدني بها، فوجدتها قد ناهزت التسعين قصيدة، وها هو يهديني من قلبه العامر بالابداع هذه القصيدة الرائعة:
ماشي بزماني وما عرفت ويني
لو ما وقع عا الارض تلتيني
تا شوف حالي عامل مواعيد
مع كم أنا وما بينوفى ديني
منّو العتيق بحكم شرعي جديد
ما قلت مره واحدي تنيني
ألله خلقني للمحبه سيد
وما في حواجز بينها وبيني
بقول بصراحه والكلام بعيد
بقلبي عشر أصحاب يا عيني
وبعين عندي للغمز أسلوب
وبعين عندي شربل بعيني
**

الرجاء قراءة التعليقات

هناك 13 تعليقًا:

  1. سوزان عون11:03 ص

    تستحق الاحترام والتقدير وأجمل ما يكتب شاعرنا الكبير المخضرم عصام ملكي

    ردحذف
  2. ميرنا نعمه ـ برزبن11:32 ص

    بتستاهل و بتستاهل قديشك رائع و مميز هللوووويا للشاعر الأستاذ عصام ملكي

    ردحذف
  3. اكرم المغوّش11:33 ص

    اطيب السلام لشاعر الوفاء الاستاذ عصام ملكي لان الوفاء عنده حق المكتسب
    لأهل الوفاء
    اطيب السلام

    ردحذف
  4. ماري عنداري كلش5:12 م

    تحية للشاعرين عصام وشربل!

    ردحذف
  5. داليدا اسكندر معيكي5:13 م

    الله يطول بعمركن ليضل الحرف ينبض

    ردحذف
  6. د. بهية ابو حمد5:15 م

    Very beautiful
    You both deserve the best

    ردحذف
  7. روبير نجار10:44 ص

    شربل بعيني وابن ملكي تنين
    وين متلن رح نلاقي وين
    مفروض قلن تسلمو عا طول
    ما زال بيقولو الدني يومين

    ردحذف
  8. حبيب لحود10:46 ص

    يا شربل وعصام عا الهيني
    الله الوكيل بتعرفو ميني
    قاعد برايد وبالشعر مغروم
    وبدي حدا اشعار يعديني

    ردحذف
  9. فؤاد الحاج ـ ملبورن5:44 م

    تحية للشاعر عصام ملكي ولكم أخي العزيز شربل

    ردحذف
  10. نهاد عبدالله4:28 م

    انا ما بنظم شعر بس ما بضيع بالمعنى فلتحيا يا عصام ملكي ويا شربل بعيني

    ردحذف
  11. طوني الهاشم4:31 م

    يا شربل وعصام يا اخوان
    بوجودكم صاير عظيم الشان
    نحنا بغربه بس فينا نقول
    الغربه بسيدني اسمها لبنان

    ردحذف
  12. كميل شلهوب4:30 م

    انت يا أخي وصديقي الشاعر عصام ملكي مع الاستاذ شربل بعيني عم تخلوا الناس العايشين بالغربة وكأنهم عايشين بالوطن. بفضلكم صارت الغربة وطن. أطال الله بأعماركم.

    ردحذف
  13. عصام ملكي12:34 ص

    للشعر انتو بالحقيقه عيون
    الضمّه صعب ينقال عنها سكون
    عليكم ألف مليون يا عيني
    شكرتو بمديحي لشربل بعيني
    بدقات قلبي بقلكم ممنون

    ردحذف