باب السعاده/ عصام ملكي

يا شربل بعيني الحكي لمّو
نحنا بعصر يلعن أبو أمّو
بقلك أنا ولكلمتي توضيح
هللي بيسمك لازم تسمّو

باب السعاده ما الو مفاتيح
والحظ عندك ما فتح تمّو
ما بريد انو تروح شيح بريح
مفروض همّك بالدني تطمّو

الداعي إلك ما بينصب مراجيح
صحتك عا طول بتهمّو
نص الهوا منعاز منو مليح
تا تخلص من الأدويه والطبّ
لازم قبل ما تبلعو تشمّو
**
الرجاء قراءة التعليقات في اسفل الصفحة

هناك 13 تعليقًا:

  1. ميرنا نعمة11:30 ص

    يسلم تمك استاذ عصام

    ردحذف
  2. جواهر الحسن ـ طرابلس لبنان11:33 ص

    ما أشرف الشعراء الذين يحترمون بعضهم البعض، وما أتعس الآخرين. عصام ملكي شاعر شهم مدح شاعراً اسمه شربل بعيني وقال له: قبل أن تبتلع الهواء يجب أن تشمه كي لا يكون فاسداً. رائع

    ردحذف
  3. محمود الياسين ـ المانيا11:34 ص

    نحنا بعصر يلعن أبو أمّو
    كلام صح من شاعر كبير لشاعر كبير

    ردحذف
  4. نبيهة جدعون12:03 م

    كلام فوق الكلام
    كله احترام
    من لشاعر لشاعر
    حييت يا عصام

    ردحذف
  5. د. بهية ابو حمد12:07 م

    يسلم تمك يا استاذ عصام

    ردحذف
  6. غير معرف12:09 م

    عيب شاعر يقول انا انا انا انا
    والشعراء الباقيين صفر
    لولا الشعراء اللي سبقونا
    وبالقصايد الحلوه غنيونا
    نحنا صفر
    **
    شاعر مهجري مجروح

    ردحذف
  7. ماري عنداري كلش5:09 م

    واقعي..

    ردحذف
  8. سمير شكوري5:09 م

    واقعي وايقاعي

    ردحذف
  9. Ned Haoui7:42 ص

    Uncle Sam looking good

    ردحذف
  10. عصام ملكي11:17 ص

    بوجه الأنا القانون منسنّو
    وشو همنا من ناس بيعنو
    الهمزه ما فينا نقول عنها سكون
    وبلسان نحنا بقلكم إنو
    الشاعر اذا غب الطلب بيكون
    رفاقو بيغارو عليه مش منّو
    عصام ملكي

    ردحذف
  11. نصر الخنشار11:19 ص

    نصر الخنشار بايمان
    قال بلا كان ولا مان
    شربل البعيني بعيني
    وعصام بقلبي من زمان

    ردحذف
  12. حسين ضاوي4:28 م

    يا شربل بعيني التفاهم دار
    عا صحتك عصام قال بغار
    الكلمه جميله حقها بدفع
    هيكي الشعر يا شاعرين كبار
    فيكم حسين الراس عم يرفع
    ويقول تتهنو بنصر خنشار
    حسين ضاوي

    ردحذف
  13. جان مفرج3:44 م

    يا مشالله هالأبيات
    عن حب الناس بتحكي
    شربل عنا بو الهمات
    ومتلو عصام الملكي
    جان مفرج

    ردحذف