ـ1ـ
يا عمّي بطرس الكبير
الطيف الغالي.. شو بقلّو
من يوم اللي كنت زغير
علّمني جدّي تا صير
قدّس هالإسم وجلّو
ـ2ـ
خيّ الجد.. وعم البيّ
يا فرحة قلبي بهالعم
أرزه.. وعم بتوزّع فيّ
عيالك كلاّ.. قالت: خيّ
تحت غصونك عم تلتمّ
ـ3ـ
لمّن حسّيت الأشعار
دقّت بالسهره ع الباب
ركّعت قبالي الدولار
جمّعت الشعر المختار
طبعتلي أوّل كتاب
ـ4ـ
يا عمّي بطرس ممنون
عطفك.. مهما العمر يطول
إسمك بحروفي رح صون
بعيني.. وعم تسكن العيون
وتا تغيب عنّي.. مش معقول!
ليست هناك تعليقات:
إرسال تعليق